2015 jylǵy 19 naýryz , Astana qalasy
«Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerge qoıylatyn sanıtarııalyq-epıdemıologııalyq talaptar» sanıtarııalyq qaǵıdalaryn bekitý týraly
«Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 144-babynyń 6-tarmaǵyna sáıkes buıyramyn:
1. Qosa berilip otyrǵan «Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerge qoıylatyn sanıtarııalyq-epıdemıologııalyq talaptar» sanıtarııalyq qaǵıdalary bekitilsin.
2. Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Ulttyq ekonomıka mınıstrliginiń resmı ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin.
4. Osy buıryq alǵashqy resmı jarııalanǵan kúnnen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Ulttyq ekonomıka mınıstri E.DOSAEV
«KELISILGEN»
Qazaqstan Respýblıkasynyń Densaýlyq saqtaý jáne
áleýmettik damý mınıstri
___________ T.DÚISENOVA
2015 jylǵy « »
Qazaqstan Respýblıkasy Ulttyq ekonomıka mınıstriniń
2015 jylǵy 19 naýryzdaǵy №232 buıryǵymen bekitilgen
«Dárilik zattardyń, medısınalyq maqsattaǵy buıymdar men medısınalyq tehnıkanyń
aınalysy salasyndaǵy obektilerge qoıylatyn sanıtarııalyq-epıdemıologııalyq talaptar» sanıtarııalyq qaǵıdalary
1. Jalpy erejeler
1. Osy «Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerge qoıylatyn sanıtarııalyq-epıdemıologııalyq talaptar» sanıtarııalyq qaǵıdalar (budan ári – Sanıtarııalyq qaǵıdalar) Qazaqstan Respýblıkasynyń 2009 jylǵy 18 qyrkúıektegi «Halyq densaýlyǵy jáne densaýlyq saqtaý júıesi týraly» Kodeksiniń (budan ári – Kodeks) 144-babynyń 6-tarmaǵyna sáıkes ázirlendi jáne úı-jaılarǵa jáne jabdyqtarǵa, ǵımarattardy jobalaýǵa, qurylysyna, eńbek jaǵdaılaryna, turmystyq qyzmet kórsetýge, sterıldeý jáne dezınfeksııa júrgizý jaǵdaılaryna, sýmen jabdyqtaýǵa, kárizdeýge, jaryqtandyrýǵa jáne jeldetýge, dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerde óndiristik baqylaýdy júzege asyrýǵa qoıylatyn sanıtarııalyq-epıdemıologııalyq talaptardy belgileıdi.
2. Osy Sanıtarııalyq qaǵıdalar Qazaqstan Respýblıkasynyń aýmaǵynda dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy barlyq obektilerge qoldanylady.
3. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdi paıdalanýǵa halyqtyń sanıtarııalyq-epıdemıologııalyq salamattylyǵy salasyndaǵy memlekettik organnyń vedomstvosymen kelisý jáne oń qorytyndy alǵannan keıin ruqsat beriledi.
4. Osy Sanıtarııalyq qaǵıdalarda mynadaı uǵymdar paıdalanylady:
1) aseptıkalyq jaǵdaılar – tehnologııalyq úderistiń barlyq kezeńderinde daıyn ónimge mıkroorganızmderdiń nemese mehanıkalyq bólshekterdiń túsýin boldyrmaıtyn, sterıldi dárilik zattardy daıyndaý jaǵdaılary;
2) aýa shlıýzi – erekshe tazalyqty talap etetin úı-jaılarǵa mıkroorganızmderdiń nemese mehanıkalyq bólshekterdiń ótýiniń aldyn alý úshin ártúrli tazalyqtaǵy úı-jaılar arasyndaǵy aýa aǵynynyń qozǵalysyna kedergi jasaıtyn eki nemese birneshe esigi bar úı-jaılar arasyndaǵy tuıyq keńistik;
3) bastapqy medısınalyq-sanıtarııalyq, konsýltasııalyq-dıagnostıkalyq kómek kórsetetin densaýlyq saqtaý uıymdaryndaǵy dárihana pýnkti (budan ári – dárihana pýnkti) – halyqty dárilik zattarmen, medısınalyq maqsattaǵy buıymdarmen qamtamasyz etý úshin densaýlyq saqtaý júıesine jatqyzylatyn dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obekt;
4) dárihana – halyqty jáne densaýlyq saqtaý uıymdaryn dárilik zattarmen, medısınalyq maqsattaǵy buıymdarmen qamtamasyz etý úshin densaýlyq saqtaý júıesine jatqyzylatyn dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obekt;
5) dárilik zattar – aýrýlardyń profılaktıkasyna, dıagnostıkacyna jáne olardy emdeýge, sondaı-aq organızmniń jaı-kúıi men fýnksııalaryn ózgertýge arnalǵan farmakologııalyq aktıvti zattardy bildiretin nemese olardy qamtıtyn zattar: dárilik sýbstansııa, tabıǵattan alynatyn dárilik shıkizat, dárilik angro- jáne balk-ónimder, dárilik preparattar, medısınalyq ımmýndyq-bıologııalyq preparattar, parafarmasevtıkalar;
6) dárilik zattyń, medısınalyq maqsattaǵy buıymdar men medısınalyq tehnıkanyń sapasy – dárilik zattyń, medısınalyq maqsattaǵy buıymdar men medısınalyq tehnıkanyń maqsaty boıynsha áreket etý qabiletine áser etetin olardyń qasıetteri men sıpattamalarynyń jıyntyǵy;
7) dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektiler – Qazaqstan Respýblıkasynyń Úkimeti bekitken úlgilik erejelerge sáıkes jumys isteıtin dárihana, bastapqy medısınalyq-sanıtarııalyq, konsýltasııalyq-dıagnostıkalyq kómek kórsetetin densaýlyq saqtaý uıymdaryndaǵy dárihana pýnkti, shalǵaıdaǵy aýyldyq jerlerge arnalǵan jyljymaly dárihana pýnkti, dárihana qoımasy, dárilik zattardy, medısınalyq maqsattaǵy buıymdar men medısınalyq tehnıkany ýaqytsha saqtaý qoımasy, optıka dúkeni, medısınalyq tehnıka men medısınalyq maqsattaǵy buıymdar dúkeni, medısınalyq tehnıka men medısınalyq maqsattaǵy buıymdar qoımasy, dárilik zattardy, medısınalyq maqsattaǵy buıymdar men medısınalyq tehnıkany óndirý jónindegi uıymdar;
8) dárilik zattardy, medısınalyq maqsattaǵy buıymdar men medısınalyq tehnıkany kóterme saýdada ótkizý – Kodekstiń 69-babyna sáıkes júzege asyrylatyn, kólemin shektemeı satyp alýmen, saqtaýmen, ákelýmen, áketýmen, ótkizýmen (halyqqa dárilik zattardy ótkizýdi qospaǵanda), joıýmen baılanysty farmasevtıkalyq qyzmet;
9) dárilik zattardy, medısınalyq maqsattaǵy buıymdar men medısınalyq tehnıkany bólshek saýdada ótkizý – Kodekstiń 69-babyna sáıkes júzege asyrylatyn, satyp alýmen (ákelýden basqa), saqtaýmen, bólýmen, túpki tutynýshyǵa ótkizýmen (áketýden basqa), joıýmen baılanysty farmasevtıkalyq qyzmet;
10) dárihana qoımasy – densaýlyq saqtaý júıesine jatqyzylatyn jáne dárilik zattardy, medısınalyq maqsattaǵy buıymdardy kóterme saýdada ótkizýdi júzege asyratyn dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obekt;
11) medısınalyq tehnıka men medısınalyq maqsattaǵy buıymdar dúkeni (budan ári – dúken) – halyqty medısınalyq tehnıkamen jáne medısınalyq maqsattaǵy buıymdarmen qamtamasyz etýge arnalǵan dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obekt;
12) medısınalyq tehnıkanyń jáne medısınalyq maqsattaǵy buıymdardyń qoımasy (budan ári – qoıma) – farmasevtıkalyq qyzmet sýbektilerin jáne densaýlyq saqtaý uıymdaryn qamtamasyz etý úshin medısınalyq tehnıkany jáne medısınalyq maqsattaǵy buıymdardy kóterme saýdada ótkizýdi júzege asyratyn, dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obekt;
13) oqshaýlanǵan blok – jeke kiretin jeri bar ǵımarattyń sáýlettik qurylymynda basqa úı-jaılardan metall, plastıkalyq materıaldarmen nemese shyny bloktarmen oqshaýlanǵan úı-jaılar kesheni (jıyny);
14) oqshaýlanǵan úı-jaı – negizgi ǵımarat qurylymynda basqa úı-jaılardan metall, plastıkalyq materıaldarmen, nemese shyny bloktarmen oqshaýlanǵan úı-jaı;
15) optıka dúkeni – halyqty medısınalyq optıka buıymdarymen qamtamasyz etý maqsatynda medısınalyq optıka buıymdaryn daıyndaýdy jáne (nemese) bólshek saýdada ótkizýdi júzege asyratyn dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obekt;
16) sanıtarııalyq kıim – shıkizatty, qosalqy materıaldar men daıyn ónimdi mehanıkalyq bólshektermen, mıkroorganızmdermen lastanýdan qorǵaýǵa arnalǵan personaldyń qorǵanysh kıiminiń jıyntyǵy;
17) sterıldilik – dárilik zattarda tiri organızmderdiń, olardyń tirshilik áreketiniń jáne ydyraý ónimderiniń bolmaýy;
18) «taza» úı-jaılar – quramyndaǵy mehanıkalyq bólshekter men mıkroorganızmder boıynsha normalanatyn, aýasy taza, sterıldi dárilik zattar daıyndaýǵa arnalǵan óndiristik úı-jaılar;
19) shalǵaıdaǵy aýyldyq jerlerge arnalǵan jyljymaly dárihana pýnkti (budan ári – jyljymaly dárihana pýnkti) – aýyl turǵyndaryna dárilik kómektiń qol jetimdiligin qamtamasyz etý maqsatynda tıisti jabdyqtary bar avtomobıl kólik quraly bolyp tabylatyn, dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obekt.
2. Dárilik zattardyń, medısınalyq maqsattaǵy buıymdar men medısınalyq tehnıkanyń
aınalysy salasyndaǵy obektilerdiń úı-jaılaryna jáne jabdyqtaryna qoıylatyn
sanıtarııalyq-epıdemıologııalyq talaptar
5. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdiń óndiristik úı-jaılarynyń jáne saqtaý úı-jaılarynyń ishin árleý (qabyrǵalarynyń, tóbeleriniń, edenderiniń ishki betteri), qabyldaý úı-jaılary men halyqqa qyzmet kórsetý úı-jaılaryn árleý (qabyrǵalarynyń, edenderiniń ishki betteri) tegis, ashyq tústi jáne Qazaqstan Respýblıkasynda qoldanýǵa ruqsat etilgen jýý jáne dezınfeksııalaý quraldaryn paıdalana otyryp ylǵaldy jınaý júrgizýge jol beriletin materıaldardan kózdeledi.
6. Jabdyqtyń, jıhazdyń, múkámmaldyń gıgıenalyq jabyny bolýy, jýý jáne dezınfeksııalaý materıaldaryna tózimdi materıaldardan jasalǵan bolýy tıis. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdiń óndiristik úı-jaılary, óndiristik jabdyǵy, óndiristik jıhazy Qazaqstan Respýblıkasynda qoldanýǵa ruqsat etilgen jýý jáne dezınfeksııalaý quraldaryn paıdalana otyryp ylǵaldy jınalady. О́ndiristik úı-jaılardy, tehnologııalyq jabdyqty daıyndaý osy Sanıtarııalyq qaǵıdalarǵa 1-qosymshaǵa sáıkes júrgiziledi.
7. Personaldyń qol jýýy úshin aseptıkalyq bloktyń shlıýzinde, assıstenttik, jýatyn bólmede, dárethanada rakovınalar ornatylady.
8. Úı-jaıdy jınaý úshin maqsaty boıynsha qatań túrde paıdalanylatyn jáne arnaıy bólingen orynda saqtalatyn tańbalanǵan jınaý múkámmaly bólinedi.
О́ndiristik jabdyqtardy jınaýǵa arnalǵan jınaý materıaly dezınfeksııadan jáne keptirgennen keıin shkaftarda saqtalady.
3. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdi jobalaýǵa qoıylatyn sanıtarııalyq-epıdemıologııalyq talaptar
9. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdiń quramy men aýdandary osy Sanıtarııalyq qaǵıdalarǵa 2-qosymshaǵa sáıkes aıqyndalady.
10. Aseptıkalyq keshenniń úı-jaılarynda mynadaı aǵymdylyq saqtalady: ydystardy jýý-sterıldeý bólmesi – assıstenttik (ıneksııalyq dárilik nysandardy, kózge arnalǵan tamshylardy jáne jańa týǵan nárestelerge arnalǵan dárilik nysandardy daıyndaýǵa arnalǵan) – shlıýzi bar ólshep-oraý – tyǵyzdap jabý bólmesi – dárilik nysandardy sterıldeý bólmesi. Osy úı-jaılardy berý terezelerimen, esik arqyly baılanystyrýǵa jol beriledi. Ineksııalyq dárilik nysandardy, kózge arnalǵan tamshylardy jáne jańa týǵan nárestelerge arnalǵan dárilik nysandardy daıyndaǵan kezde assıstenttik bólmemen baılanys berý terezesi arqyly júzege asyrylady.
11. Sterıldi materıaldardy saqtaýǵa, aseptıkalyq jaǵdaılarda dárilik túrlerdi daıyndaýǵa arnalǵan úı-jaılarda qubyrlardy jáne armatýrany kórinbeıtindeı etip salý kózdeledi.
12. Dárihanalar, optıka dúkenderi, medısınalyq tehnıka men medısınalyq maqsattaǵy buıymdar dúkenderi:
1) bólek turǵan ǵımarattarda;
2) turǵyn úı qoryna kirmeıtin ǵımarattar qurylymyndaǵy oqshaýlanǵan úı-jaılarda;
3) turǵyn úı qoryna kiretin ǵımarattar qurylymyndaǵy oqshaýlanǵan úı-jaılarda birinshi qabatta ornalasady.
13. Medısınalyq uıymdardyń dárihanalary:
1) medısınalyq uıymǵa jatatyn aýmaqta bólek turǵan ǵımaratta;
2) medısınalyq uıym ǵımaratynyń qurylymyndaǵy oqshaýlanǵan úı-jaılarda ornalasady.
14. Bastapqy medısınalyq-sanıtarııalyq, konsýltasııalyq-dıagnostıkalyq kómek kórsetetin densaýlyq saqtaý uıymdaryndaǵy dárihana pýnktteri tek medısınalyq uıymnyń janynda nemese olardyń aýmaqtarynda:
1) oqshaýlanǵan úı-jaılarda;
2) úı-jaı ishindegi oqshaýlanǵan blokta ornalastyrylady. Kelýshilerge qyzmet kórsetý aımaqtary negizgi obektide tıisti alań bar bolǵanda jáne osy Sanıtarııalyq qaǵıdalardyń talaptary saqtalǵanda oqshaýlanǵan bloktyń úı-jaıynan tys ornalastyrylýy múmkin.
15. Shalǵaıdaǵy eldi mekenderge arnalǵan jyljymaly dárihana pýnkti avtomobıl kóliginiń shassıinde ornalastyrylady jáne júrgizýshiniń kabınasy men jolaýshylar oryndarynan bólek bolýy tıis ári dárilik zattar men medısınalyq maqsattaǵy buıymdardy tasymaldaý quqyǵyna halyqtyń sanıtarııalyq-epıdemıologııalyq salamattylyǵy salasyndaǵy memlekettik organnyń vedomstvosynan oń sanıtarııalyq-epıdemıologııalyq qorytyndy alǵannan keıin paıdalanylady.
Jyljymaly dárihana pýnkti:
1) shkaftarmen jáne dárilik zattardy, medısınalyq buıymdardy saqtaýǵa arnalǵan tońazytqysh jabdyqpen;
2) sý jınaǵysh-bagy bar, qol jýýǵa arnalǵan qoljýǵyshpen jabdyqtalady.
16. Medısınalyq maqsattaǵy buıymdar men medısınalyq tehnıkanyń qoımasy, dárihana qoımasy jáne dárilik zattardy, medısınalyq maqsattaǵy buıymdar men medısınalyq tehnıkanyń ýaqytsha saqtaý qoımasy:
1) bólek turǵan ǵımarattarda;
2) turǵyn úı qoryna kirmeıtin ǵımarat qurylymyndaǵy oqshaýlanǵan úı-jaılarda ornalasady.
17. Ǵımarat qurylymynda ornalasqan kezde dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerde úı-jaılardyń oqshaýlanǵan blogy kózdeledi.
18. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdi ǵımarat qurylymyna ornalastyrǵan kezde qyzmettik, turmystyq úı-jaılar (santorap) ǵımarattyń negizgi úı-jaılar quramyna kiredi.
4. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdegi personaldyń eńbek, turmystyq qyzmet kórsetý jaǵdaılaryna qoıylatyn sanıtarııalyq-epıdemıologııalyq talaptar
19. Aseptıkalyq jaǵdaılarda jumys isteıtin personal jumys aldynda (aseptıkalyq blok shlıýzinde) oryndalatyn óndiristik operasııalarǵa (daıyndaý, baqylaý, ólshep-oraý) sáıkes túksiz matadan jasalǵan sterıldi sanıtarııalyq kıim kıedi.
20. Aseptıkalyq jaǵdaılardaǵy jumys ýaqytynda: parfıýmerlik-kosmetıkalyq ónimderdi paıdalanýǵa, saǵattar men zergerlik buıymdardy taǵýǵa jol berilmeıdi.
21. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdiń qyzmetkerlerine eki jıyn sanıtarııalyq kıim men sanıtarııalyq aıaq kıim beriledi.
22. Dárilik nysandardy daıyndaýmen, ólshep-oraýmen jáne baqylaýmen aınalysatyn personalǵa aýysym aldynda jeke qoldanýy úshin taza súlgiler beriledi.
23. Dárilik nysandardy daıyndaýmen, ólshep-oraýmen, baqylaýmen, ótkizýmen, daıyn ónimmen janasatyn dárihana ydysyn óńdeýmen aınalysatyn personal ýaqytsha jumys isteıtinderdi qosa alǵanda, aldyn ala jáne merzimdik medısınalyq tekserip-qaraýdan ótedi, jeke medısınalyq kitapshalary bolady.
24. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdiń qyzmet kórsetetin personaly úshin sanıtarııalyq-turmystyq úı-jaılarda kıim iletin oryndar jumys isteıtinderdiń sany boıynsha, jeke jáne sanıtarııalyq kıimdi, aıaq kıimdi jáne bas kıimdi bólek saqtaýdy qamtamasyz etetin, jabylatyn shkaftarmen jabdyqtalady.
5. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdegi sterıldeý men dezınfeksııalaýdy júrgizý jaǵdaılaryna qoıylatyn sanıtarııalyq-epıdemıologııalyq talaptar
25. Ineksııaǵa arnalǵan eritindiler, kózge arnalǵan tamshylar jáne jańa týǵan nárestelerge arnalǵan dárilik zattar paıdalaný tásiline qaramastan, tek qana sterıldi qoldanylady, olardy kiretin jeke esigi bar, óndiris úı-jaıynan shlıýzben bólingen aseptıkalyq blokta daıyndaıdy. Basqa dárilik nysandardy aseptıkalyq blokta daıyndaýǵa jol berilmeıdi.
26. Aseptıkalyq blok aýany ishke sorý aýany syrtqa shyǵarýdan basym bolatyn súzgiler ornatylǵan ishke sorý-syrtqa shyǵarý jeldetkishimen jabdyqtalady.
27. Aseptıkalyq blokta, dárihanaishilik daıyndaýǵa arnalǵan assıstenttik, dıstıllıasııalyq, sterıldik úı-jaılarda úı-jaıdyń bir tekshe metr (budan ári – m3) kólemine qýaty 2-2,5 vatt (budan ári – vt) esebinen ekrandalmaǵan bakterısıdti sáýlelendirgish ornatylady, olardy adamdar joq kezde jumys arasyndaǵy úzilisterde, túnde, arnaıy bólingen ýaqytta – jumys bastalar aldynda bir-eki saǵatqa qosady. Ashyq shamdarǵa arnalǵan ajyratqysh úı-jaıǵa kireberiste bolady, «Kirýge bolmaıdy, bakterısıdti sáýlelegish qosylyp tur!» degen janatyn tablomen bloktalady. Úı-jaılarda ekrandalmaǵan bakterısıdti sham qosylyp turǵanda jumys isteýge jol berilmeıdi.
28. Aseptıkalyq blokqa engiziletin jabdyq, jıhaz aldyn ala óńdeledi. Jınaý materıaldary retinde qabyrǵalardy súrtý úshin porolon ysqyshtar, jıekteri kómkerilgen sýlyqtar qoldanylady. Eden súrtý úshin dezınfeksııalyq eritindimen sýlanǵan jıekteri óńdelgen qatty matadan jasalǵan shúberekterdi paıdalanady. Aseptıkalyq blokqa arnalǵan tańbalanǵan jınaý múkámmaly arnaıy shkafta saqtalady. Osynda jınaý materıaly saqtalady, olar aseptıkalyq úı-jaılardy ár jınaǵannan keıin dezınfeksııalanady, keptiriledi, tyǵyz qaqpaǵy bar taza tańbalanǵan tumshalanyp qaptalǵan ydysqa salynady.
29. Aseptıkalyq blokqa tolyq jınaýdy aptasyna bir ret júrgizedi. Úı-jaılar jabdyqtan bosatylady. Jınaý júıeli túrde júrgiziledi: aldymen qabyrǵalary men esikterin tóbeden edenge deıin, sodan soń stasıonarlyq jabdyqty jýady, onyń tómengi betin tazalaıdy, sońynda eden jýylady. Elektr jabdyǵyn jınaǵan kezde qorektendirý kózinen ajyratady. Sodan soń úı-jaıdy ekspozısııasy bir saǵat dezınfeksııalyq eritindimen shaıady. Dezınfeksııadan keıin úı-jaıdy sterıldi shúberekpen taza sýmen qaıta jýady jáne eki saǵatqa bakterısıdti shamdy qosady.
30. Aseptıkalyq blokqa kireberiste aýysymyna bir ret dezınfeksııalyq eritindimen sýlanatyn kólemi keminde 40h40 santımetr usaq tesikti kilemsheler kózdeledi.
31. Aseptıkalyq jaǵdaılardaǵy jumys úshin (dárilik nysandardy daıyndaý, quıý, qaptaý ýchaskesinde) halat, qalpaq, rezeńke qolǵaptar, tórt qabatty dáke tańǵysh jáne bahıla, bir ret qoldanylatyn qol súrtetin súlgiler (sýlyqtar) bar sterıldi sanıtarııalyq kıim jıyny paıdalanylady. Sterıldi sanıtarııalyq kıim, súlgi (sýlyqtar) aseptıkalyq bloktyń shlıýzinde saqtalady.
32. Shlemi bar shalbarly kostıým, kózge arnalǵan oıyǵy bar shlem-kapıýshony bar kombınezon, bahıla paıdalanylady. Personalda sterıldi sanıtarııalyq kıimniń astynda kólemdi, túkti kıimniń bolýyna jol berilmeıdi.
33. Kıim jıynyn bıksterde, bý sterılızatorlarynda sterıldeıdi jáne úsh táýlikten asyrmaı jabyq bıksterde saqtaıdy.
34. Aseptıkalyq blok personalynyń aıaq kıimin dezınfeksııalaý jumys aldynda jáne jumystan keıin júrgiziledi jáne shkaftarda saqtalady. Aseptıkalyq blokta («taza» úı-jaılarda) jumys isteýge arnalǵan jeke shárkelerdi (teriden jasalǵan) arnaıy shkafta saqtaıdy.
35. Shlıýzge kirer kezde qoldy jýady, aıaq kıim, bahıla, halat, shárke, betke ár tórt saǵat saıyn aýystyrylatyn aýa ótkizetin tańǵysh kıedi, eń sońynda qoldy antıseptık eritindisimen óńdeıdi. Eritindi quıý, tyǵyndaý ýchaskesinde jumys isteıtin personaldyń óńdelgen qolyna sterıldi rezeńke qolǵaptar kıedi.
36. Sterıldi eritindiler daıyndaýǵa arnalǵan dárilik jáne qosalqy zattar aseptıkalyq blokta shtanglastarda, tyǵyz jabylatyn shkaftarda olardyń lastanýyn boldyrmaıtyn jaǵdaılarda, olardyń fızıkalyq-hımııalyq qasıetterine sáıkes saqtalady. Shtanglastardy árbir toltyrý aldynda jýady jáne sterıldeıdi. Dárihana ydystaryn sterıldeý jáne saqtaý rejımi osy Sanıtarııalyq qaǵıdalarǵa 3-qosymshaǵa sáıkes júrgiziledi
37. Obektilerdiń dárihana ydysyn óńdeýdiń tehnologııalyq úderisi osy Sanıtarııalyq qaǵıdalarǵa 4-qosymshaǵa sáıkes júrgiziledi.
Jýylǵan ydystyń sapasyn baqylaý osy Sanıtarııalyq qaǵıdalarǵa 5-qosymshaǵa sáıkes tekseriledi. Jýylǵannan keıin ydys sterıldenedi, tyǵyndalady, sterıldeý bólmesinde, ishi aqshyl maıly boıaýmen boıalǵan, plastıkpen jabylǵan, tyǵyz jabylatyn shkaftarda saqtalady.
38. Aseptıkalyq jaǵdaılarda dárilik nysandardy daıyndaýǵa, ólshep-oraýǵa paıdalanylatyn sterıldi ydysty (ballondardy) saqtaý merzimi jıyrma tórt saǵattan aspaıdy.
39. Syıymdy ballondardy jýǵannan keıin jiti býmen otyz mınýt boıy býlaý arqyly zararsyzdandyrady. Sterıldeýden keıin syıymdylyqtardy sterıldi tyǵyndarmen, folgamen jabady, sterıldi pergamentpen baılaıdy jáne jıyrma tórt saǵattan asyrmaı saqtaıdy.
40. О́lshep-oralǵan dárilik zattardy tyǵyndaýǵa arnalǵan qalpaqshalar men tyǵyndardy óńdeý jáne sterıldeý osy Sanıtarııalyq qaǵıdalarǵa 6-qosymshaǵa sáıkes júrgiziledi.
41. Aseptıkalyq bólmege taza ydysty berý, eritindileri bar shólmekter men saýyttardy sterıldeýge berý bakterısıdti shamdarmen jabdyqtalǵan berý terezeleri arqyly júzege asyrylady. Taza ydysty sterıldeý úshin ótetin keptirý shkaftary ornatylady. Dárihanalar men medısınalyq uıymdardyń dárihanalary bý jáne aýa sterılızatorlary jumysynyń tıimdiligine fızıkalyq jáne hımııalyq tásildermen baqylaýdy júzege asyrady. Sterılızatorlardyń jumysyn fızıkalyq baqylaý tásili temperatýra (termometr, maksımaldy termometr), qysym (monovakýýmetr) men ýaqyt ólsheý quraldarynyń kómegimen júrgiziledi. Baqylaýdyń hımııalyq ólsheý tásili hımııalyq testilerdiń, termohımııalyq jáne termoýaqyttyq ındıkatorlardyń kómegimen júrgiziledi.
42. Ishinde sýy, sýly spırtti jáne maıly eritindileri bar saýyttar men shólmekterdiń aýzyn tyǵyndap jabý úshin sterıldi emes dárilik nysandardyń sýly eritindileri úshin rezeńke qospadan jasalǵan tyǵyndardy paıdalanýǵa jol beriledi. Tesikteri úshten asatyn rezeńke tyǵyndardy paıdalanýǵa jol berilmeıdi.
43. Ineksııaǵa arnalǵan eritindilerdi daıyndaý kezinde tósem retinde rezeńke tyǵynnyń astyna salynatyn laktalmaǵan sellofan paıdalanylady.
44. Laktalǵan sellofandy (termopisiriletin) qoldanýǵa jol berilmeıdi. Sellofannyń túrin anyqtaý úshin ony sýǵa salady, bul rette laktalmaǵan sellofan osy jaǵdaılarda qatty plenka kúıinde qalyp, ózgermeıtin laktalǵan sellofanǵa qaraǵanda jumsaq jáne ıkemdi bola bastaıdy.
45. Ineksııaǵa arnalǵan eritindiler men kózge arnalǵan tamshylardy daıyndaý kezinde jýýdy, dezınfeksııalyq quraldarmen óńdeýdi jáne sterıldeýdi jeńildetý úshin bólshekteri almaly-salmaly bolýy múmkin jaǵdaıda shaǵyn mehanıkalandyrý quraldary qoldanylady.
46. Dárihana basshylyǵy toqsanyna keminde 1 ret ıneksııaǵa arnalǵan eritindilerdiń, kózge arnalǵan tamshylardyń jáne jańa týǵan nárestelerge arnalǵan dárilik nysandardyń sterıldiligine zerthanalyq baqylaý, toqsanyna bir retten sıretpeı ıneksııalyq eritindilerdiń pırogendigine ishinara baqylaý júrgizedi. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerde dárilik zattardyń mıkrobıologııalyq qaýipsizdigin baqylaý osy Sanıtarııalyq qaǵıdalarǵa 7-qosymshaǵa sáıkes júrgiziledi.
47. Tazartylǵan sýdy jáne ıneksııaǵa arnalǵan sýdy alý aseptıkalyq jaǵdaılarda júrgiziledi.
48. Tazartylǵan sý fızıkalyq-hımııalyq kórsetkishteri boıynsha dárilik zattardyń sapasyn normalaıtyn ulttyq standarttar talaptaryna sáıkes kelýge tıis. Aseptıkalyq jaǵdaılardy talap etetin dárilik túrlerdi daıyndaý kezinde tazartylǵan sýdyń mıkrobtyq tazalyǵy osy Sanıtarııalyq qaǵıdalar talaptaryna sáıkes kelýge tıis.
49. Ineksııa men ınfýzııaǵa arnalǵan eritindilerdi daıyndaýǵa apırogendi sý qoldanylady.
50. Tazartylǵan sýdy, ıneksııaǵa arnalǵan sýdy alý jáne saqtaý arnaıy jabdyqtalǵan úı-jaıda júrgiziledi, ol jerde sý aıdaýmen baılanysty ǵana jumystar oryndalady.
51. Tazartylǵan sýdy jáne ıneksııaǵa arnalǵan sýdy alý akvadıstıllıator kómegimen, oǵan qosa berilgen nusqaýlyqqa sáıkes júrgiziledi.
52. Alynǵan tazartylǵan sý jáne ıneksııaǵa arnalǵan sý taza sterıldengen, býmen óńdelgen ónerkásiptik óndiris jınaǵyshtaryna, shyny ballondarǵa jınalady. Jınaǵyshtarda «Tazartylǵan sý», «Ineksııaǵa arnalǵan sý» degen anyq jazýlary bolýy tıis. Eger bir ýaqytta birneshe jınaǵyshtar qoldanylatyn bolsa, olar nómirlenedi.
53. Shyny jınaǵyshtar: sý keletin tútikke arnalǵan, sterıldi maqtadan jasalǵan tampon qoıylatyn shyny tútikke arnalǵan eki sańylaýy bar tyǵyndarmen (qaqpaqtarmen) tyǵyz jabylady.
54. Jınaǵyshtar tuǵyrlarǵa, ballon aýdarǵyshtarǵa ornatylady.
55. Jınaǵyshtar shyny tútikterdiń, sılıkondy rezeńkeden, basqa da sýǵa ındıfferentti materıaldan jasalǵan, medısınada qoldanýǵa ruqsat etilgen jáne býmen óńdeýge shydamdy shlangilerdiń kómegimen akvadıstıllıatormen jalǵanady, tońazytqysh tútigimen tyǵyz janasady.
56. Jumys oryndaryna sý berý qubyrlar arqyly júzege asyrylady. Tazartylǵan sýdy jáne ıneksııaǵa arnalǵan sýdy jumys ornyna berýge arnalǵan qubyrlar Qazaqstan Respýblıkasynda qoldanýǵa ruqsat etilgen materıaldardan daıyndalady.
57. Shyny jáne bolat qubyrlardy paıdalaný jáne dezınfeksııalaýdyń qolaılylyǵy úshin ishki dıametri keminde on alty-jıyrma mıllımetr tútikter paıdalanylady. Qubyrdyń uzyndyǵy aıtarlyqtaı bolǵanda mıkrobıologııalyq taldaýǵa dıstıllıat synamasyn jýý, sterıldeý, irikteý úshin ár 5-7 m saıyn syrtqy shyǵaratyn jáne shúmegi bar úshtikter ornatylady.
58. Qubyrdy jýý jáne dezınfeksııalaý jınaý aldynda, paıdalaný úderisinde, zerthanalyq bakterıologııalyq zertteýler taldaýlarynyń nátıjesi qanaǵattanarlyqsyz bolǵanda on tórt kúnde keminde bir ret júrgiziledi.
59. Shyny jáne metall qubyrlardy zararsyzdandyrý úshin avtoklavtan shyqqan jiti býdy otyz mınýt boıy júrgizedi, sterıldeý ýaqytyn esepteýdi bý qubyrdyń sońyna shyqqan sátten bastap júrgizedi. Býmen óńdeý otyz mınýt boıy júrgiziledi.
60. Polımer materıaldardan jáne shynydan jasalǵan qubyrlar keıinnen tazartylǵan sýmen jýý arqyly dezınfeksııalanady. Sodan soń qalpyna keletin zattardyń joq ekendigine tekserý júzege asyrylady.
61. Shyny tútikter men saýyttardy pırogendi zattardan tazartý úshin jıyrma bes-otyz mınýt boıy kalıı permanganatynyń ystyq qyshqyldanǵan bir paıyzdyq eritindisimen óńdeıdi. Eritindi daıyndaý úshin kalıı permanganatynyń bir paıyzdyq eritindisiniń on bóligine kúkirt qyshqylynyń bir jarym paıyzdyq eritindisiniń alty bóligin qosady. Kórsetilgen óńdeýden keıin saýyttar men tútiksheler ıneksııaǵa arnalǵan jańa aıdalǵan sýmen sýlfat-ıonǵa teris reaksııa bolǵanǵa deıin muqııat jýylady.
62. Qubyrǵa aýa kirip, aýa tyǵyndary paıda bolmaýy úshin dıstıllıattyń berilýin retteıdi. Jumys aıaqtalǵannan keıin sý qubyrdan tógiledi.
63. Tazartylǵan sýdy jańadan daıyndap paıdalanady, sýdyń qasıetin ózgertpeıtin jáne ony mehanıkalyq qospalardan jáne mıkrobıologııalyq lastanýlardan qorǵaıtyn materıaldan jasalǵan jabyq syıymdylyqtarda, biraq úsh táýlikten asyrmaı saqtaıdy.
64. Ineksııa úshin jańa aıdalǵan sýdy paıdalanady, +50S-ten +250S deıingi temperatýrada, sýdyń qasıetin ózgertpeıtin jáne ony mehanıkalyq qospalardyń túsýi men mıkrobıologııalyq lastanýlardan qorǵaıtyn materıaldan jasalǵan jabyq syıymdylyqtarda, biraq bir táýlikten asyrmaı saqtaıdy.
65. Sterıldi emes dárilik nysandardy daıyndaý barysynda paıdalanylatyn dárilik zattar tyǵyz jabylǵan shtanglastarda jáne olardyń lastanýyn boldyrmaıtyn jaǵdaılarda saqtalady.
66. Dárilik zattardy saqtaý úshin paıdalanylatyn shtanglastar toltyrý aldynda jýylady jáne sterıldenedi.
67. Dárilik nysandardy daıyndaýǵa, ólshep-oraýǵa arnalǵan qosymsha materıal sterıldenedi. Saqtaý merzimi jabyq kúıinde úsh táýlikten artyq emes.
68. Dárilik nysandardy daıyndaý, ólshep-oraý kezinde paıdalanylatyn shaǵyn mehanıkalandyrý quraldary oǵan qosa berilgen nusqaýlyqqa sáıkes jýylady, dezınfeksııalanady.
69. Ár aýysymnyń basynda tarazylar, qalaqtar, qaıshylar, usaq dárihanalyq múkámmal etıl spırtiniń 70 %-dyq eritindisimen súrtiledi.
70. Bıýretka qondyrǵylary, tamshýyrlar on kúnde keminde bir ret konsentrattardan tazartylady, ystyq sýmen jýylady, sodan soń sarqyndy sýdaǵy jýý quraldarynyń qaldyq kólemin mindetti baqylaı otyryp, tazartylǵan sýmen jýylady.
71. Bıýretka qondyrǵylardyń sý aǵyzatyn krandary jumystyń basynda eritindi tuzdarynyń, ekstraktylardyń, tunbalardyń qaqtarynan tazartylady jáne spırtti efır (1:1) qospasymen súrtiledi.
72. Shtanglastan dárilik zattardy árbir ólsheýden keıin, shtanglastyń moıny men tyǵynyn, qol tarazylaryn bir rettik sýlyqtarmen súrtedi.
73. Dárilerdiń suıyq nysandaryn súzý kezinde quıǵyshtar, bólip ólshegenge jáne ydysqa salǵanǵa deıin untaq nemese jaqpamaı massasy bar keliler plastmassa, metall plastınkalarmen jabylady. Jaqpamaı men untaqtar kelilerinen irikteý úshin plastmassa plastınkalar paıdalanady.
74. Jaqpamaılar daıyndaǵannan keıin maıdyń qaldyǵy kartonnyń, qaǵazdyń, lıgnınniń kómegimen alynyp tastalady.
75. Jumys úshin paıdalanylatyn kapsýlalar, qalaqshalar, jipter, orap baılaıtyn rezeńkeler assıstenttik (ólshep-oraıtyn oryn) ústeldiń jáshikterinde (jáshikter kúnsaıyn jýylady) saqtalady. Qosymsha materıaldardy jabyq shkaftarda, olardyń lastanýyn boldyrmaıtyn jaǵdaılarda saqtaıdy.
6. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdiń úı-jaılaryn sýmen jabdyqtaýǵa, kárizdeýge, jeldetýge jáne jaryqtandyrýǵa qoıylatyn sanıtarııalyq-epıdemıologııalyq talaptar
76. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerde ortalyqtandyrylǵan ystyq jáne salqyn sýmen jabdyqtaý, jylytý, káriz, jeldetý, jaryqtandyrý júıeleri kózdeledi.
77. Bólek turǵan ǵımarattarda ornalasqan dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerde, eldi mekenderde ortalyqtandyrylǵan sýmen jabdyqtaý, káriz, jylytý júıeleri bolmaǵan kezde, avtonomdy jylytý, káriz, sýmen jabdyqtaýdyń bolýyna jol beriledi.
Ortalyqtandyrylǵan ystyq sýmen jabdyqtaý bolmaǵanda sýmen jylytý jabdyqtaryn ornatý qamtamasyz etiledi.
78. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdiń úı-jaılaryndaǵy temperatýra jáne aýa almasý jıiligi osy Sanıtarııalyq qaǵıdalarǵa 8-qosymshaǵa sáıkes aıqyndalady.
79. Jeldetý júıesi úshin syrtqy aýany jınaý jer betinen keminde eki metr bıiktikte taza aımaqtan júrgiziledi.
80. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdiń úı-jaılarynda zııandy bólindileri bar óndiristik úı-jaılarda mehanıkalyq iske qosylatyn ishke sorý-syrtqa shyǵarý jeldetkishi, qalǵan obektilerde tereze jeldetkishteri, framýgalar, tereze oıyqtaryndaǵy, syrtqy qabyrǵalardaǵy aspaptar arqyly tabıǵı jeldetý kózdeledi.
81. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdiń úı-jaılary tabıǵı jáne jasandy jaryqtandyrý júıelerimen jabdyqtalady. Barlyq úı-jaılarda jasandy jaryqtandyrý kózdeledi, jekelegen jumys oryndary úshin jergilikti jaryqtandyrý (ústel ústindegi sham) ornatylady. Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdiń úı-jaılaryn jaryqtandyrý normalary, jaryq kózderi osy Sanıtarııalyq qaǵıdalarǵa 9-qosymshaǵa sáıkes lıýmınıssentti shamdarmen jáne qyzdyrý shamdarymen júzege asyrylady.
82. «Taza» úı-jaılardaǵy jaryqtandyrý aspaptarynyń konstrýksııasy shań jınaýdy boldyrmaıtyn jáne jınaýdy jeńildetetin bolýy tıis.
83. Saýda zaldarynyń jáne óndiristik úı-jaılar tóbesiniń astyna, dárilik zattardy jáne dárihana assortımenti taýarlaryn saqtaýǵa arnalǵan úı-jaılarǵa káriz qubyrlaryn salýǵa jol berilmeıdi.
«Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerge qoıylatyn sanıtarııalyq-epıdemıologııalyq talaptar»
sanıtarııalyq qaǵıdalaryna 1-qosymsha
О́ndiristik úı-jaılardy, tehnologııalyq jabdyqty daıyndaý
1. О́ndiristik úı-jaılardy kún saıyn óńdeý ár aýysymnan keıin paıdalaný jónindegi nusqaýlyqqa sáıkes Qazaqstan Respýblıkasynda qoldanýǵa ruqsat etilgen dezınfeksııalyq quraldarmen, sýlanǵan shúberekpen súrtý tásilimen júrgiziledi.
2. Tolyq óńdeý:
1) jabdyqtyń dárilik zattarmen tikeleı janasatyn almaly-salmaly bólikterin (toraptaryn) alyp, bólshektep jáne 600S temperatýradaǵy 0,5% jýý eritindisinde muqııat jýyp, birneshe ret aǵyndy sýmen, sodan soń tazartylǵan sýmen shaıǵan durys. Shaıatyn sýda arnaýly quralsyz kózge kórinetin mehanıkalyq qospalardyń bolmaýyn baqylaý usynylady. Qajet bolǵan jaǵdaıda jabdyqtyń almaly-salmaly bólikterin sterıldeý júrgiziletin avtoklavtarda artyq qysym 0,11 MPa (1,1 kgs/sm2) jáne temperatýra 120±10S bolǵanda 45 mınýt boıy, keıinnen qaldyq qysym 0,07 MPa (0,7 kgs/sm2) bolǵanda keminde on mınýt keptire otyryp júrgizý usynylady;
2) jabdyqtyń ishki bólikterin temperatýrasy 600S jýǵysh zattyń 0,5% eritindisimen óńdep, sodan soń aǵyndy sýmen, sońynan tazartylǵan sýmen birneshe ret shaıǵan durys. Jabdyqtyń bólshektelmeıtin bólikterin sterıldeýdi alpys mınýt boıy (120±10S) temperatýrada ystyq býmen júzege asyrý usynylady. Qajet bolǵan jaǵdaıda (kólemdik úlesi 76%) etıl spırtimen sýlanǵan salfetkamen súrtý qajet.
3) jabdyqtyń syrtqy betterin úı-jaıdyń betterin óńdegendeı jolmen óńdegen durys;
4) Qazaqstan Respýblıkasynda tirkelgen dezınfeksııalyq quraldardy qoldaný olardy paıdalaný jónindegi nusqaýlyqqa (ádistemelik nusqaýlarǵa) qatań sáıkestikte júzege asyrylady.
«Dárilik zattardyń, medısınalyq maqsattaǵy buıymdar men medısınalyq
tehnıkanyń aınalysy salasyndaǵy obektilerge qoıylatyn sanıtarııalyq-epıdemıologııalyq talaptar» sanıtarııalyq qaǵıdalaryna 2-qosymsha
Dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy obektilerdiń quramy men aýdandary
1. Dárihanalar
1-keste
№ Úı-jaılardyń ataýy Medısınalyq uıymnyń dárihanasy (sh.m) keminde Dárilik zattardy daıyndaý, daıyn dárilik zattardy, medısınalyq maqsattaǵy buıymdar men medısınalyq tehnıkany ótkizý boıynsha (sh.m) keminde Daıyn dárilik zattardy, medısınalyq maqsattaǵy buıymdar men medısınalyq tehnıkany ótkizý boıynsha (sh.m) keminde
1 2 3 4 5
1. Halyqqa qyzmet kórsetý zaly, onyń ishinde: - 20 15
1) sóreler men personaldyń jumys orny ornalasqan aımaq - 8 7
2) halyqqa qyzmet kórsetiletin aımaq - 12 8
2. О́ndiristik úı-jaılar: 50 40 -
1) medısınalyq uıymdardyń talaptarymen jumys isteýge arnalǵan bólme, suranystardy toptastyrý 10 - -
2) assıstenttik, analıtıkalyq,dárihanaishilik daıyndamalarǵa arnalǵan assıstenttik bólmeler 12 12 -
3) aseptıkalyq (shlıýzi bar) bólme 10 10 -
4) dıstıllıasııalaý bólmesi 8 8 -
5) jýý-sterıldeý bólmesi 10 10 -
3. Saqtaý úı-jaılary: 30 30 9*
onyń ishinde qosalqy úı-jaılar 5 5 5
4. Qosymsha saqtaý úı-jaılary:
1) ýly, esirtki quraldaryn, psıhotroptyq zattar men prekýrsorlardy saqtaý 4 4 -
2) janǵysh, tez tutanatyn suıyqtyqtardy saqtaý 4 4 -
3) dezınfeksııalaý quraldary men qyshqyldardy saqtaý 5 5 -
5. Qyzmettik jáne turmystyq úı-jaılar: 25 25 6
1) meńgerýshi kabıneti
2) personal bólmesi
3) qyzmetkerlerge arnalǵan garderob
4) jınaý múkámmalyn saqtaý qoımasy
5) sanıtarııalyq torap
*Eger daıyn dárilik zattardy, medısınalyq maqsattaǵy buıymdardy jáne medısınalyq tehnıkany ótkizetin dárihana ýly, esirtki quraldaryn, psıhotroptyq zattar men prekýrsorlardy ótkizetin bolsa, kórsetilgen quraldardy saqtaý úı-jaılary negizgi saqtaý úı-jaılarynyń quramyna kirýi múmkin.
2. Bastapqy medısınalyq-sanıtarııalyq, konsýltasııalyq-dıagnostıkalyq kómek
kórsetetin densaýlyq saqtaý uıymdaryndaǵy dárihana pýnkti
2- keste
№ Úı-jaılardyń ataýy Dárihana pýnkti (sh.m.)
1 2 3
1. Dárihana jabdyǵyn jáne pe